Жетісу облысында екі Chevrolet Cobalt автокөлігі соқтығысып, 6 адам көз жұмды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Тағы бір адам әртүрлі дене жарақатымен медициналық мекемеге жеткізілді, деп хабарлады облыстық полиция.
Қайғылы оқиға "Сарыөзек – Көктал" автожолының 110-шақырымында болған.
"Алдын ала мәлімет бойынша автокөліктердің бірінің жүргізушісі қарсы қозғалыс жолағына шығып, қарсы бағытта келе жатқан автокөлікпен соқтығысқан", - деп жазылған хабарламада.
Аталған дерек бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған сотқа дейінгі тергеу жүргізіліп жатыр.