6 қыркүйек кешінде Қазақстан аумағында жер сілкінісі тіркелді. Бұл туралы Qazaqyia.kz порталы Kursiv Media басылымына сілтеме жасап хабарлайды.
ҚР ТЖМ мәліметінше, жер асты дүмпулерін Шығыс Қазақстан облысының тұрғындары сезінген. Сейсмикалық станциялар желісі «ҰҰСҒЗИ» ЖШС дүмпуді Астана уақытымен 23:08-де тіркеді.
Эпицентр Алматыдан 875 км қашықтықта
Эпицентр Алматыдан солтүстік-шығысқа қарай 875 км жерде орналасқан. Оның координаттары — солтүстік ендіктің 49,167° және шығыс бойлықтың 84,417°.
Шығыс Қазақстан облысының Үлкен Нарын ауылында жер асты дүмпулерінің есептік қарқындылығы екі баллды құрады. Зардап шеккендер мен қираған нысандар туралы ақпарат түскен жоқ.
ТЖМ азаматтарға ескерту жасады
ТЖМ қазақстандықтарға жер сілкінісі кезіндегі негізгі мінез-құлық ережелерін еске салды. Ведомство азаматтарды сабыр сақтауға, дүмпу аяқталғанша қауіпсіз жерде күтуге және ғимараттардан қашық болуға шақырады.
Толық ақпарат алу үшін ТЖМ ресми сайтын қараңыз.