Жапонияның шығысында, Токио қаласын қоса алғанда, жексенбі күні таңертең алдын ала магнитудасы 5,9 болатын орташа жер сілкінісі болды, бірақ цунами қаупі жоқ, деп хабарлады елдің метеорологиялық агенттігі. Бұл туралы Qazaqyia.kz порталы Associated Press басылымына сілтеме жасап хабарлайды.
Жапония метеорологиялық агенттігінің мәліметінше, жер сілкінісі ошағы Ибараки префектурасының оңтүстігінде, 70 шақырым (42 миль) тереңдікте болған.
АҚШ геологиялық қызметі алдын ала магнитуданы 5,8 деп тіркеді.
Зардап шеккендер мен қираған ғимараттар туралы ешқандай мәлімет жоқ. Жер сілкінісі Токио аймағында да сезілді, бірақ NHK қоғамдық телеарнасы Мито және Сайтама сияқты көрші қалалардағы жолдардағы қозғалыс қалыпты екенін көрсетті.
Жапония — әлемдегі ең сейсмикалық белсенді аймақтардың бірі.
Өткен айда Кюсю аралының оңтүстігіндегі Кумамото аймағында магнитудасы 7,1 жер сілкінісі болып, 38 адам қаза тауып, 364 адам жарақат алған еді. Сондай-ақ 1500-ден астам ғимарат қирап, 20 000-ға жуық ғимарат зақымданған.