Жапония Ресей президенті Владимир Путиннің даулы аралға сапарына «қатты наразылық» білдірді. Бұл туралы Qazaqyia.kz порталы BBC News басылымына сілтеме жасап хабарлайды.
Ресей мемлекеттік БАҚ-ы бейсенбі күні Путиннің Ресей мен Жапония дауласып жүрген Курил аралдарына барғанын хабарлады.
Жапония сыртқы істер министрі Тосимицу Мотэги X әлеуметтік желісіндегі мәлімдемесінде бұл аралдар «тарихи тұрғыдан да, халықаралық құқық тұрғысынан да Жапонияның ажырамас аумағы» екенін және «Жапония үкіметі бұл сапарға қатты наразылық білдіретінін» айтты.
Екі ел ондаған жылдар бойы Курил аралдарына қатысты дауласып келеді. Бұл дау Мәскеу мен Токио арасында Екінші дүниежүзілік соғыстан кейін бітімгершілік келісімге қол қойылмауының басты себебі болды.
Путин бейсенбіде барған арал Ресейде Итуруп, ал Жапонияда Эторофу деп аталады.