Жамбыл облысында Жуалы аудандық соты кәмелетке толмаған баланы жәбірлеу фактісі бойынша әкімшілік құқық бұзушылық туралы істі қарады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Жуалы ауданындағы мектептердің бірінде сабаққа кешігіп келген 8 сынып оқушысын сыныптасы сөзбен кемсіткен. Ол оны "қой бағатын малшы" деп атап, мал баққандықтан кешіккенін айтқан.
"Кәмелетке толмағандардың істері және олардың құқықтарын қорғау жөніндегі комиссиямен буллинг фактісі расталды және оқушының ата-анасын жауапқа тарту туралы шешім қабылдады", - дейді сот.
Айыпталушы баланың әкесі кінәсін мойындап, болашақта мұндай мінез-құлыққа жол бермейтінін айтты.
Сот шешімімен ер адамға әкімшілік ескерту тағайындалды.