Украина басшысы Владимир Зеленский АҚШ президенті Дональд Трамппен телефон арқылы сөйлесу барысында Нью-Йоркте кездесуге келіскенін мәлімдеді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«Жаңа ғана президент Трамппен сөйлестім. Маңызды әңгіме болды, көптеген мәселені талқылап үлгердік. Нью-Йоркте кездесуге уағдаластық, бұл кездесу көп нәрсені өзгертуі мүмкін. Дипломатиялық динамика бар», — деп жазды Зеленский өзінің Telegram каналында.
Ол сондай-ақ Украинадағы қақтығысты ушықтырмау, энергетикалық және азық-түлік қауіпсіздігі мәселелері бойынша бірқатар ұсыныс бар екенін айтты.
Ал Украина сыртқы барлау қызметінің басшысы Рустем Умеров Трамп пен Зеленскийдің кездесуі сейсенбі күні өтуі мүмкін екенін мәлімдеді, деп хабарлады Axios порталы.
«Соңғы күндері ол (Умеров — ред.) Ақ үй өкілдерімен Трамп пен Зеленскийдің кездесуін ұйымдастыру бойынша жұмыс істеді. Кездесу сейсенбі күні өтеді деп жоспарланған», — деп жазды портал Умеровтың түсініктемесіне сілтеме жасап.
Нью-Йоркте 8 қыркүйекте БҰҰ Бас Ассамблеясының 81-сессиясы ресми түрде ашылды. Бас Ассамблея аясында дәстүрлі түрде жоғары деңгейдегі апталық іс-шаралар өтеді. Жалпы пікірталастар 22–26 қыркүйек аралығында, сондай-ақ 28 қыркүйекте өтеді.