Украина президенті Владимир Зеленский Lockheed Martin компаниясымен Patriot зениттік-зымырандық кешендерін жеткізуді жеделдету мәселесін талқылады. Бұл туралы Qazaqyia.kz порталы Reuters басылымына сілтеме жасап хабарлайды.
Кездесу барысында тараптар қорғаныс жабдықтарын жеткізу мерзімдерін қысқарту жолдарын қарастырды. Ақпаратқа сәйкес, әңгіме Украинаның әуе қорғанысын күшейту үшін қажетті Patriot жүйелерінің жеткізілімі туралы болды.
Lockheed Martin — Patriot зениттік-зымырандық кешендерін өндіруші негізгі компаниялардың бірі. Украина бұған дейін де осы жүйелерді алу қажеттілігін бірнеше рет мәлімдеген.
Reuters агенттігінің хабарлауынша, талқылау барысында нақты жеткізілім кестелері мен көлемдері туралы егжей-тегжейлі ақпарат жарияланбады.