Владимир Зеленский Украинаның 2026 жылға арналған әскери бюджетінің шығыстарын ұлғайту туралы заңға қол қойды, деп хабарлады Жоғарғы Рада сайтында. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
10 маусымда Жоғарғы Раданың депутаты Нина Южанина Украина парламенті елдің 2026 жылға арналған әскери бюджетінің шығыстарын ұлғайтуды мақұлдағанын хабарлады. Мамыр айының соңында Украинаның Қаржы министрлігі Рада әскери бюджет шығыстарын 35,2 млрд долларға ұлғайтуды бірінші оқылымда мақұлдағанын хабарлады.
Парламент сайтында жарияланған мәліметтерге сәйкес, биылғы мемлекеттік бюджет туралы заңға Украина қарулы күштерін қаржыландыруға қатысты өзгертулер енгізу туралы құжат Зеленскийдің қолтаңбасымен қайтарылды. Украинаның 2026 жылға арналған мемлекеттік бюджетіндегі жоспарланған тапшылық 45 миллиард шамасында (шамамен 1,9 триллион гривен) бекітілді. Бұл қаржы негізінен қорғанысқа жұмсалады. Тапшылықты жабу үшін ел толығымен халықаралық серіктестердің қаржылық көмегіне, соның ішінде Батыстың көмегіне үміт артады.