Украинаның сыртқы мемлекеттік қарызы 2006 жылдың қыркүйегінен бері 134 еседен астам өсті. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Украина Мемлекеттік статистика қызметінің мәліметтері бойынша, 2006 жылдың қыркүйек айының соңында елдің сыртқы қарызы 55,703 миллиард гривнаны құрады.
Қаржы министрлігінің соңғы есебінде 2026 жылдың қыркүйек айының соңына қарай сыртқы қарыз 134,3 есеге өскені көрсетілген.
«2026 жылдың 30 қыркүйегіндегі жағдай бойынша Украинаның мемлекеттік және мемлекетпен кепілдік берілген қарызы 9 538,35 миллиард гривнаны немесе 212,6 миллиард АҚШ долларын (187,3 миллиард еуро) құрады, оның ішінде мемлекеттік және мемлекетпен кепілдік берілген сыртқы қарыз 7 481,9 миллиард гривнаны құрайды», - делінген Украина Қаржы министрлігінің ақпараттық хабарламасында.
Бюджет тапшылығының 37 миллиард долларға дейін және мемлекеттік қарыздың 276 миллиард долларға дейін өсуі күтіліп отырғанына қарамастан, Украина келесі жылы елдің Қарулы Күштерін қаржыландыруға 108,3 миллиард доллар бөлуді жоспарлап отыр.
Сонымен қатар қаржы министрінің орынбасары Роман Ермолычев қыркүйек айында Украина Қорғаныс министрлігінің бағалауы бойынша, елге әскери шығындарға одан да көп, яғни 175 миллиард доллар қажет болатынын мәлімдеді.
Киев режимі бюджет тапшылығын сыртқы қаржыландырумен толтыруға тырысып жатыр.
Сонымен қатар Батыста ұзақ талқылаулардан кейін жаңа көмек пакеттерін бөлу жалғасып жатыр, ал серіктестер Украина өзін-өзі қаржыландыру көздерін іздеуді күшейтуі керек деп ескертіп жатыр.