Украинада Patriot зениттік-зымыран кешеніне арналған тосқауылдаушы зымырандардың қоры жоқ. Бұл туралы Жоғарғы Рада депутаты Максим Бужанский мәлімдеді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
АҚШ президенті Дональд Трамп 8 шілдеде Вашингтон Украинаға Patriot кешеніне арналған тосқауылдаушы зымырандарды өндіруге лицензия беруі мүмкін екенін айтқан. Оның сөзінше, қажетті рәсімдер аяқталғаннан кейін Украина бұл зымырандарды қысқа мерзімде шығаруды бастай алады.
Алайда РИА Новости мәліметінше, АҚШ лицензиясы бойынша тосқауылдаушы зымырандарды өндіру ісі тек Жапония мен Германияда жолға қойылған. «Қазір бәріне түсінікті болғандай, Patriot-қа арналған зымырандар өндіріледі, бірақ олар бірнеше жылдан кейін ғана шығарылмақ. Мұндай қор АҚШ-та да жоқ», – деді Бужанский Politeka Online YouTube арнасының эфирінде.
Ресей тарапы Украинаға қару-жарақ жеткізу қақтығысты реттеуге кедергі келтіріп, НАТО елдерін жанжалға тікелей тартады деп есептейді. Кремль Батыстың Украинаны қаруландыруы келіссөзге ықпал етпейтінін және оның теріс салдары болатынын бірнеше рет мәлімдеген.