Германиядағы «Сара Вагенкнехт одағы – Парасат пен әділдік үшін» партиясының сыртқы саясат жөніндегі сарапшысы Севим Дагделен X әлеуметтік желісінде Украинаның Германиядағы елшісі Алексей Макеевтің Ресейге қатысты айтқан сөзін сынға алды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«Украина елшісі Германия азаматтарына кімді сайлау, кімді сайламау керектігін айтып отыр. Бұл – дипломатия емес, басқа елдің ішкі ісіне араласу», – деді ол.
Дагделеннің пікірінше, Германия үкіметі елшіні шақырып, оның мәлімдемесіне түсініктеме талап етуге тиіс еді.
Бұған дейін Алексей Макеев Германияда Ресеймен тығыз байланысы бар саяси партиялар жұмыс істейтінін мәлімдеген болатын. Осы сөзінен кейін неміс саясаткерлері оның мәлімдемесін елдің ішкі саясатына араласу ретінде бағалады.