Неміс автоконцерні Volkswagen Германиядағы төрт зауытын жауып, 100 мыңға дейін қызметкерді қысқарту мүмкіндігін қарастырып жатыр. Бұл туралы Qazaqyia.kz порталы Kursiv Media басылымына сілтеме жасап хабарлайды.
Reuters агенттігінің дереккөздерге сілтеме жасап хабарлауынша, бұл әлемдік автопром тарихындағы ең ірі қайта құрылымдау болуы мүмкін. Жоспарлар компанияның бақылау кеңесінің 9 шілдедегі отырысында талқыланады.
Жабылу қаупі төнген кәсіпорындар қатарында Ганновер, Цвиккау, Эмден қалаларындағы зауыттар және Неккарзульмдегі Audi зауыты бар. Тек осы шаралар 45 мыңнан астам жұмысшыға әсер етуі мүмкін. Бұған дейін компания шамамен 50 мың қызметкерді қысқартуды жоспарлаған болатын.
Volkswagen реформаның қажеттілігін қытайлық өндірушілер тарапынан бәсекелестіктің күшеюімен, жоғары американдық баждармен және Еуропада автомобильдерге сұраныстың төмендеуімен түсіндіреді.
Компания басшысы Оливер Блюм басшылыққа терең өзгерістер бағдарламасын ұсынды. Manager Magazin басылымының мәліметінше, концерн алдағы бес жылда инвестицияны 15% - 130 млрд еуроға дейін қысқартуы мүмкін.
«Бүкіл концерн, оның ішінде брендтер мен еншілес компаниялар ауқымды өзгерістерден өтуі керек», - деді компания өкілі.
IG Metall кәсіподағы және жұмысшылар кеңесі қысқартуларға қарсы тұратынын мәлімдеді, ал компанияның екінші ірі акционері саналатын Төменгі Саксония билігі кәсіпорындардың жабылуына қарсы шықты.
2025 қаржы жылының қорытындысы бойынша Volkswagen-де 667 164 адам жұмыс істеді, олардың 43% -ке жуығы Германияда.
Бұған дейін Курсив Авто Volkswagen-дің жаңартылған Caddy - Қазақстандағы танымал коммерциялық көліктердің бірінің интерьерін көрсеткені туралы жазған болатын.