Қазақстандық Виктор Друзин Венгрияда басталған артистикалық жүзуден юниорлар (U19) арасындағы әлем чемпионатында қола медаль жеңіп алды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Жарыс барысы
Ерлер арасындағы жеке техникалық бағдарламада Друзин төрешілерден 238,5 балл жинап, үшінші орынға ие болды. Жеңіске нейтралды ресейлік Захар Трофимов жетті – 241,2 балл. Күміс медаль испаниялық Энеко Санчес Агиларға бұйырды – 240,5 балл.
Маусымның жалғасы
Бұл марапат Друзиннің халықаралық маусымдағы табысты жалғасы болды. Маусым айында Торонтода өткен Әлем кубогының суперфиналында қазақстандық техникалық солода үшінші орын алған болатын. Содан кейін ол еркін бағдарламада күміс, ал Наргиза Болатовамен бірге микст-дуэтте қола жүлдегер атанды.
Чемпионат туралы
Юниорлар (U19) арасындағы әлем чемпионаты Будапеште (Венгрия) 12-16 тамыз аралығында өтуде. Оған 35 елден 300 спортшы қатысуда. Барлығы 11 медаль жиынтығы ойнатылады. Қазақстан атынан 12 спортшы сынға түсуде.