Венесуэланың Ла-Гуайра штатындағы жер сілкінісінен зардап шеккендердің саны артуы мүмкін. Бұл туралы Qazaqyia.kz порталы BBC News басылымына сілтеме жасап хабарлайды.
BBC тілшісі Ванесса Сильва Венесуэладағы ең қатты зардап шеккен аймақтардың бірі – Ла-Гуайра штатына барды. Сәрсенбіде болған қос жер сілкінісінен кейін көптеген адамдар үйінділер астында қалды.
Натача Диас есімді ананың дауысы шықпай қалған. Ол BBC-ге 22 және 23 жастағы екі қызының шағын сауда орталығында маникюрші болып жұмыс істегенін, қазір олар үйінді астында қалғанын айтты. Ол ұялы телефонындағы қыздарының суретін көрсетіп, жылады.
«Мен олардың қайтарылуын ғана қалаймын. Олар менің бәрім», – деді Натача.
Үйінділер астында әлі де көптеген адамдар қалған деген қауіп бар. Құтқару жұмыстары жалғасқан сайын қаза тапқандар саны артуы мүмкін.
Халықаралық құтқару топтары іздеу иттерімен бірге аман қалғандарды іздеуге қосылды.