Венесуэлада өткен аптадағы қос жер сілкінісінен кейін дүйсенбі күні таңертең күшті афтершок болды. Азаматтар мен құтқарушылар қираған ғимараттардың астынан аман қалғандарды іздеуді жалғастыруда. Бұл туралы Qazaqyia.kz порталы Associated Press басылымына сілтеме жасап хабарлайды.
АҚШ Геологиялық қызметінің мәліметінше, афтершок жергілікті уақыт бойынша таңғы 7:01-де Венесуэланың Кариб теңізі жағалауындағы Карабальедадан шамамен 27 км (17 миль) солтүстікте болып, Рихтер шкаласы бойынша 4,6 балды құрады. Колумбияның геологиялық қызметі магнитуданы 5,1 деп көрсетті.
Ла-Гуайрадағы қираған ғимараттардың арасында ерікті Жан Соса құтқару топтарына қосылып, үйінді астында қалған адамдарды іздеуге көмектесуде. Афтершок кезінде тұрғындар мен құтқарушылар қауіпсіз жерге қашты. Төрт күн бұрын болған жер сілкінісінен кейін құтқарушылар үйінді астынан бір қызды алып шықты.