Қазақстан Ұлттық банкі «Сиқырлы нышандар» сериясы аясында «AQYQ» атты коллекциялық монетаны шығарды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«AQYQ — жартылай асыл тас. Монетаның көркемдік безендірілуінен қазақ зергер өнерінің қолтаңбасы айқын көрінеді. Зерделі сіркелеу әдісі, теріс бетіндегі өрнек пен ақық қондырмасы өзара жарасым тапқан. Монетаның жоғарғы бөлігінде алқа бауын тағуға мүмкіндік беретін арнайы баулық қарастырылған», — делінген хабарламада.
925 сынамалы күмістен дайындалған монетаға ақық тасы қондырылған. Оның массасы – 20 грамм, диаметрі – 33 мм, номиналы – 1 000 теңгелік, 5 000 дана таралымымен шығарылады.
«Монета дизайны қазақ зергерлік өнерінің дәстүрін көрсетеді. Онда түйіршіктеу (зерлеу) әдісі, сыртқы бетіндегі өрнектер және сердолик тасын кірістіру техникасы қолданылған. Монетаның жоғарғы бөлігінде шынжыр немесе бау өткізуге арналған тесік бар, бұл оны әшекей ретінде тағуға мүмкіндік береді», — дейді Ұлттық банк.
Коллекциялық монеталар республикасының бүкіл аумағында өзінің белгіленген құнына сай барлық төлем түрінде қабылдауға, сондай-ақ елдің барлық банкінде банк шоттарына есепке алуға, аударуға, ұсақтауға және айырбастауға жатады.