Үндістан Біріккен Араб Әмірліктеріне (БАӘ) дыбыстан жылдам BrahMos қанатты зымыранын сату туралы келіссөздер жүргізіп жатыр. Бұл туралы Qazaqyia.kz порталы Reuters басылымына сілтеме жасап хабарлайды.
Дереккөздердің айтуынша, келіссөздер алдын ала сатыда тұр және әзірге ресми келісім жасалған жоқ. BrahMos — Үндістан мен Ресей бірлесіп әзірлеген дыбыстан жылдам қанатты зымыран, оны әуе, жер және теңіз платформаларынан ұшыруға болады. Зымыранның ұшу қашықтығы 290 шақырымға дейін жетеді.
Егер келісім жүзеге асса, бұл Үндістанның БАӘ-ге мұндай қаруды алғаш рет сатуы болмақ. Бұл қадам Үндістанның қару-жарақ экспортын кеңейту стратегиясына сәйкес келеді. БАӘ ұзақ уақыт бойы әскери техниканы әртараптандыруға ұмтылып келеді.
Үндістан билігі бұл мәселеге ресми түрде түсініктеме бермеді. Алайда сарапшылар мұндай келісім екіжақты әскери-техникалық ынтымақтастықты нығайтады деп санайды.