Мемлекет басшысы Қасым-Жомарт Тоқаевтың төрағалығымен 10 ақпан күні Үкіметтің кеңейтілген отырысы өтеді. Бұл жиында елдің былтырғы әлеуметтік-экономикалық дамуының қорытындысы шығарылып, алдағы кезеңге арналған негізгі міндеттер белгіленеді, деп хабарлайды Qazaqyia ақпарат агенттігі.
Ақорданың ресми хабарлауынша, кеңейтілген отырыс – жыл сайынғы маңызды саяси шаралардың бірі. Оған әдетте министрлер кабинетінің мүшелері, облыс әкімдері, ұлттық компаниялардың басшылары және басқа да лауазымды тұлғалар қатысады.
Күн тәртібіндегі басты мәселе – 2023 жылғы әлеуметтік-экономикалық дамудың нәтижелерін талқылау. Сонымен қатар Президент Үкіметке ел экономикасын одан әрі дамыту, халықтың әл-ауқатын арттыру және стратегиялық мақсаттарға жету үшін нақты тапсырмалар жүктейді деп күтілуде.
Фото: Әлеуметтік желіден