«Азаматтарға арналған үкімет» мемлекеттік корпорациясы 2026 жылдың 26 маусымын осы жылғы неке қиюдың ең «әдемі» күндерінің бірі екенін еске салды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Ұйымда атап өткендей, осы күні үйлену тойын жоспарлап отырған жұптар 11 маусымға дейін (қоса алғанда) өтініш беруі қажет.
«Егер сіз бір-біріңізге дәл осы күні «ИӘ» деп айтуды армандасаңыз, өтінішті алдын ала беруді ұмытпаңыз. Неке қию үшін өтініш таңдалған күнге дейін 15 күнтізбелік күн бұрын беріледі, сондықтан мұны 2026 жылдың 11 маусымында жасау қажет», — делінген корпорация хабарламасында.
Бұған дейін «Курсив» «әдемі» күндердің қазақстандықтар арасында одақ құру үшін әрқашан танымал болғанын жазған. Мұндай ажиотаж өткен жылы да байқалды — 25.05.2025 жұптар жаппай қарым-қатынастарын тіркеді.
Биыл шымкенттіктер ерекше көзге түсті, олар 26.02.2026 әдемі күніне байланысты АХАЖ бөлімдерінде ажиотаж тудырды. Шымкенттегі АХАЖ қызметкерлері бір күнде 51 өтініш қабылдады.