Түркияның оңтүстік-шығысында 18 шілдеде таңертең 5,0 балдық жер сілкінісі болды. Алдын ала мәліметтер бойынша, құрбандар мен қираулар жоқ. Бұл туралы Qazaqyia.kz порталы Kursiv Media басылымына сілтеме жасап хабарлайды.
Түркияның Төтенше жағдайлар басқармасы (AFAD) хабарлағандай, жер сілкінісі жергілікті уақыт бойынша 06:20-да Малатья провинциясының Батталгази ауданында болды.
Сілкініс көршілес Элязыг, Адыяман, Тунджели және Шанлыурфа провинцияларының тұрғындары да сезді.
«Малатья провинциясының Батталгази ауданында 5,0 балдық жер сілкінісінен кейін қандай да бір қолайсыз салдар туралы ақпарат түскен жоқ. Біздің мамандар оқиға орнында жұмысын жалғастыруда», — делінген AFAD хабарламасында.
Түркия жоғары сейсмикалық белсенділік аймағында орналасқан. Ел аумағын бірнеше ірі геологиялық жарылымдар кесіп өтеді, соның салдарынан мұнда жойқын жер сілкіністері де жиі болады.
Бұған дейін «Курсив» Түркияда 2023 жылы болған жер сілкінісінен кейін, ондаған мың адам қаза тапқан кезде, қазақстандықтардың бұл елде тұрғын үй сатып алуға құлқы тартпайтынын жазған болатын.