Түркістан облысының Т. Рысқұлов ауылында қоғамдық моншада өрт шықты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Төтенше жағдайлар министрлігінің мәліметінше, өрт Пушкин көшесіндегі бір қабатты ғимараттың шатырын қамтыған.
«Өрттің таралу қаупіне байланысты өрт сөндірушілер оқиға орнына жоғары дәрежелі шақырумен жіберілді. Олар келген кезде ғимараттың шатыры ашық жалынмен өртеніп жатқан», — деп хабарлады ведомство.
Құтқарушылар суды үздіксіз беруді ұйымдастырып, өрттің бүкіл ғимаратқа таралуына жол бермеді.
Өртті толығымен сөндіруге қол жеткізілді. Зардап шеккендер жоқ. Өрттің себебі анықталуда.
Бұған дейін «Курсив» Түркістан облысында қайта өңдеу зауытының аумағында 170 тонна мақтаның өртенгенін хабарлаған болатын. Ал одан бір күн бұрын Кентау қаласында зауыт аумағында өрт болған.