АҚШ президенті Дональд Трамп жаңа Air Force One ұшағын таныстырып, онымен Солтүстік Дакотаға алғаш сапарға аттанды. Бұл туралы Qazaqyia.kz порталы Associated Press басылымына сілтеме жасап хабарлайды.
Жаңа президенттік ұшақ бұрын Катар әуе компаниясына тиесілі болған үлкен лайнерді қайта жабдықтау арқылы жасалған. Трамп 2026 жылғы 1 шілдеде Мэриленд штатындағы Джойнт Бейз Эндрюс әскери базасынан ұшып шықты.
Ақ үй қызметкерлерінің айтуынша, жаңа ұшақтың салоны толығымен жаңартылып, президенттік қауіпсіздік талаптарына сай жабдықталған. Ұшақтың сыртқы түсі де дәстүрлі ақ және көк түстермен безендірілген.
Трамп журналистерге берген сұхбатында: "Бұл өте әдемі ұшақ. Біз оны мақтан тұтамыз", - деді. Президенттің Солтүстік Дакотаға сапары жергілікті экономикалық форумға қатысумен байланысты.