Қазақстан Президенті Қасым-Жомарт Тоқаев Астанадағы «Мыңжылдық» аллеясы мен GreenLine сызықтық паркінің екінші кезегін абаттандыру жұмыстарының барысымен танысты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Ақорданың мәліметінше, мемлекет басшысына атқарылып жатқан жұмыстар туралы елорда әкімі Жеңіс Қасымбек баяндады.
GreenLine паркінің екінші кезегі
GreenLine сызықтық паркінің екінші кезегі Омаров көшесінен Төле би көшесіне дейінгі учаскеде салынып жатыр. Жоба серуендеу маршруттарын, демалыс алаңдарын және спорттық инфрақұрылымды құруды, сондай-ақ аумақты ауқымды көгалдандыруды көздейді.
«Мыңжылдық» аллеясының дамуы
«Мыңжылдық» аллеясын дамыту да жалғасуда. Тұжырымдамаға сәйкес, ол ұзындығы төрт километрден асатын сызықтық паркке айналуы тиіс. Жекелеген учаскелерді біртұтас үздіксіз жаяу жүргінші аймағына біріктіру жоспарланып отыр.
Президенттің тапсырмасы
«Мыңжылдықты» жүйелі түрде абаттандыру жөніндегі тапсырманы Тоқаев 2023 жылы берген болатын. Аллея ірі жасыл кеңістікке және елорданың көрікті жерлерінің біріне айналуы тиіс деп болжанған. 2025 жылы президентке жобаның ландшафтық бас жоспары ұсынылды.
Бұған дейін «Курсив» Тоқаев экологиялық мәдениетті Конституцияда бекітілген міндет деп атағанын жазған болатын.