Қазақстан Президенті Қасым-Жомарт Тоқаев Армения премьер-министрі Никол Пашинянды парламент сайлауындағы жеңісімен құттықтады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Тоқаев Пашинянға жолдаған құттықтау жеделхатында: «Сізді Армения Республикасының Ұлттық Жиналысына өткен парламенттік сайлаудағы жеңісіңізбен шын жүректен құттықтаймын. Сіздің басшылығыңызбен Армения тұрақты даму жолында елеулі жетістіктерге жетеді деп сенемін», — делінген.
Сондай-ақ Қазақстан Президенті екі ел арасындағы достық пен өзара тиімді ынтымақтастықты одан әрі нығайтуға ниетті екенін жеткізді. «Қазақстан мен Армения арасындағы дәстүрлі достық қарым-қатынастарды және өзара тиімді ынтымақтастықты одан әрі дамытуға әрдайым дайынмын», — деп атап өтті Тоқаев.
Еске сала кетейік, Арменияда парламенттік сайлау 2026 жылдың 6 маусымында өтті. Сайлау қорытындысы бойынша Никол Пашинян басқаратын «Азаматтық келісім» партиясы жеңіске жетті. Бұл Пашинянның премьер-министр ретіндегі үшінші мерзімінің басы болмақ.