Президент Қасым-Жомарт Тоқаев NVIDIA басшысы Дженсен Хуангпен Ақордада өткен кездесуден кейін оған алғыс айтты. Өзінің X әлеуметтік желісіндегі жазбасында ол жасанды интеллектті Қазақстан экономикасында, әсіресе ауыл шаруашылығында қолдану жөніндегі идеялардың құндылығын атап өтті. Бұл туралы Qazaqyia.kz порталы Kursiv Media басылымына сілтеме жасап хабарлайды.
«Мен Дженсен Хуангқа жасанды интеллектті ілгерілету және оны Қазақстан экономикасында, әсіресе ауыл шаруашылығында практикалық қолдану жөніндегі Ақордадағы жемісті кездесу мен талқылаулар үшін алғыс айтамын. Сіздің идеяларыңыз бен кеңестеріңіз біз үшін үлкен практикалық құндылыққа ие», — деп жазды Тоқаев.
Бұған дейін «Курсив» хабарлағандай, 23 қазанда президентпен кездесуде Хуанг Қазақстанды Physical AI — роботтар мен физикалық әлеммен өзара әрекеттесетін басқа да жүйелерге арналған жасанды интеллекттің әлемдік хабына айналдыруды ұсынған болатын. Ол елдің энергетикалық ресурстары мен мамандар әлеуетін атап өтті. Өз кезегінде Тоқаев NVIDIA-ның қазақстандық Higgsfield стартапымен серіктестігін құптады.
Кездесу қорытындысы бойынша президент Хуангты Қазақстанда жасанды интеллектті дамытуға қосқан үлесі үшін «Достық» орденінің I дәрежесімен марапаттады.