Президент Қасым-Жомарт Токаев Жапония премьер-министрі Санаэ Такаичиге көңіл айту жеделхатын жолдады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Мемлекет басшысы Жапонияның Кумамото префектурасын қамтыған табиғи апаттың қайғылы салдарына байланысты көңіл айтты.
«Қасым-Жомарт Токаев қаза тапқандардың туған-туыстары мен жақындарына көңіл айтып, зардап шеккендердің тезірек сауығып кетуін тіледі», — деп хабарлайды Ақорда баспасөз қызметі.
Еске салайық, Жапонияның оңтүстігіндегі Кюсю аралында, Кумамото префектурасы ауданында магнитудасы 7,1 болатын күшті жер сілкінісі болды. Ошақ 10 шақырым тереңдікте жатты, ал жер асты дүмпулерінің күші Жапонияның сейсмикалық қарқындылық шкаласы бойынша ең жоғары 7 деңгейге жетті.
Құтқару қызметтерінің деректері бойынша, 30-дан астам адам қаза тапты, 100-ден астам тұрғын әртүрлі дәрежедегі жарақат алды. 10 мыңнан астам адам үйлерін тастап, уақытша орналастыру пункттеріне көшуге мәжбүр болды.
Ең ауыр оқиға префектурадағы ең ірі сауда орталығында болды, онда жер сілкінісінен кейін газдың ағуынан деп болжанған жарылыс болды. Ғимарат ішінара құлады.