Президент Қасым-Жомарт Тоқаев Алматыда ғылыми қауымдастықпен кездесіп, ел дамуының жаңа бағыттарын атады, деп хабарлайды Qazaqyia.KZ ақпарат агенттігі.
Мемлекет басшысы елдің даму моделін түбегейлі өзгерту керегін баса айтты. Оның сөзінше, Қазақстан енді патернализмнен бас тартып, басты ресурс ретінде әр азаматтың мүмкіндігіне сүйенетін қоғам құруы тиіс.
««Ғылымда нақты нәтижеге жету үшін адами капиталға айрықша көңіл бөлу қажет. Біз жас ұрпақты тәрбиелеу мен азаматтарды қолдау тәсілдерін әлеуметтік әділдік, патриотизм және еңбекқорлық тұрғысынан қайта қарауымыз керек», – деді Президент.»
—
Тоқаев өңірлердегі ғылымды дамытудың маңызына да тоқталды. Оның айтуынша, енді жергілікті әкімдіктерге ғылыми-технологиялық саясатты жүргізуге көбірек құзырет беріледі. Қазірдің өзінде еліміздің 11 аймағындағы университеттерде баламалы энергетикадан биотехнологияға дейінгі салаларды зерттейтін арнайы орталықтар ашылып жатыр.
««Біз өзгенің ғылыми жетістіктерін көшірмеуіміз керек, керісінше, өзіміздікін жасауымыз қажет. Әлемдік деңгейде сұранысқа ие зерттеулер жүргізе алатын ғалымдар буынын қалыптастыру маңызды», – деді Тоқаев.»
—
Президент өз сөзінде жаңа Конституцияның маңызына ерекше назар аударды. Ол елді жаңғырту құрғақ ұранмен емес, заңдық негізді бекітуден басталатынын мәлімдеді. Сонымен қатар Мемлекет басшысы «Қасым ханның қасқа жолы», «Есім ханның ескі жолы» мен «Жеті жарғы» сияқты тарихи заңдар жинағына тоқталып, жаңа Ата заң осы тарихи сабақтастықты жалғайтынын жеткізді.
««Жаңа Конституция біздің мемлекеттілігіміз бен егемендігіміздің сенімді тірегіне айналады. Оның әрбір нормасы елді нығайтуға қызмет етеді», – деді Президент.»
—
Сөз соңында Тоқаев ғалымдарға үлкен үміт артатынын айтып, оларға арнайы үндеу жасады.
««Бұл – күрделі міндет, бірақ басқа жол жоқ. Мен сіздерге үлкен үміт артамын», – деп қорытындылады Мемлекет басшысы.»
—