Қазақстан президенті Қасым-Жомарт Токаев Еуропалық Одақ басшылығымен келіссөздер алдында Еуропа Кеңесінің төрағасы Антониу Коштамен бейресми кездесу өткізді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Бұған дейін «Курсив» Токаевтың Брюссельге ресми сапармен барғанын хабарлаған болатын. Сапар барысында ол Бельгияда оқитын және жұмыс істейтін қазақстандықтармен кездесті.
Сонымен қатар, Брюссельде «Қазақстан мен ЕО арасындағы байланысты нығайту: Транскаспий халықаралық көлік бағытының (ТХКБ) перспективалары мен стратегиялық әлеуеті» атты халықаралық бизнес-конференция өтті. Оны «Қазақстан темір жолы» ҰК» АҚ Қазақстан Республикасының Бельгия Корольдігіндегі Елшілігінің қолдауымен ұйымдастырды. Форумның практикалық нәтижесі жалпы сомасы 462 млн АҚШ долларын құрайтын төрт келісімге қол жеткізу болды.