Неміс актері Тиль Швайгер Қазақстанда өтіп жатқан «Доспехи Бога: Ультиматум» фильмінің түсіріліміне қосылды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қазіргі уақытта актер Алматыдағы түсірілім алаңында жұмыс істеп жатыр, деп хабарлады Sәlem Entertainment компаниясы әлеуметтік желілерде.
Швайгер «Достучаться до небес» культтік фильміндегі рөлінен кейін кеңінен танымал болды. Ол сондай-ақ Квентин Тарантиноның «Бесславные ублюдки» және Гай Ричидің «Министерство неджентльменских дел» фильмдерінде түскен. Актердің фильмографиясында барлығы 80-нен астам картина бар.
«Доспехи Бога: Ультиматум» — Джеки Чанмен бірге түсірілген танымал приключение франшизасының төртінші бөлімі. Фильмді қазақстандық Sәlem Entertainment және гонконгтік Billion Target компаниялары шығарады. Режиссері — қазақстандық қоюшы Роберт Кун.
Қазақстандағы түсірілім маусым айында басталып, қазанға дейін жалғасады. Фильмге Алматы, Алматы облысы және Маңғыстау облысының, сондай-ақ Астана мен Түркістанның локациялары енеді. Негізгі алаңдардың бірі — Маңғыстау облысындағы Бозжыра. Кейбір көріністер Гонконгта түсіріледі. Жеке эпизодтар үшін Джеки Чан Бакуға ұшқан.
Әлемдік кино жұлдызы Джеки Чан қазына іздеуші Азиялық Ястреб рөлін қайта ойнайды. Жаңа бөлімде ол көне артефактіні іздеуге шығады.
Енді жобаның халықаралық актерлік құрамына Тиль Швайгер де қосылды.
«Біз үшін артында 80-нен астам фильмі бар актермен жұмыс істеу үлкен мәртебе», — деп атап өтті Sәlem Entertainment.
Еске салайық, «Доспехи Бога: Ультиматум» премьерасы 2027 жылы күтілуде.
Бұған дейін Kursiv LifeStyle Ақтау тұрғындары қала жағалауында автобустар мен тікұшақ қатысқан жаппай көріністің кадрларын әлеуметтік желілерде бөліскенін жазған.