Электрлік Tesla Semi жүк көлігі алғаш рет адам өліміне әкелген жол-көлік оқиғасына қатысты. Апат АҚШ-тың Невада штатында болды, онда жүк көлігі бірнеше автомобильді соқты. Екі адам қаза тапты. Бұл туралы Qazaqyia.kz порталы Kursiv Media басылымына сілтеме жасап хабарлайды.
28 маусым күні таңертең Tesla Semi Дейтон қаласы маңындағы трассада бағдаршам алдында тоқтап тұрған көліктерге толық жылдамдықпен соғылды. Оқиға орнында Volkswagen Beetle көлігінде болған ерлі-зайыптылар қаза тапты. Тағы бір адам ауыр жарақат алып, ауруханаға жатқызылды.
Полицияның алдын ала болжамы бойынша, жүк көлігінің жүргізушісі рульде ұйықтап кеткен болуы мүмкін.
Tesla-ның жеңіл автомобильдерінен айырмашылығы, Semi жүк көлігі ресми түрде Full Self-Driving жүйесімен жабдықталмаған. Сондықтан, қолда бар мәліметтерге сәйкес, жүргізуші көлікті өзі басқарған.
Сонымен қатар, апатқа ұшыраған жүк көлігінде қандай электронды көмекшілер орнатылғаны белгісіз. Бұрын Tesla Semi автоматты авариялық тежеу жүйесімен және кеңейтілген автопилотпен жабдықталатынын мәлімдеген, бірақ компания сериялық машиналардың нақты жабдықталу құрамын ашпаған.
Екі аптадан аз уақыт бұрын Техаста Full Self-Driving жүйесі бар Tesla Model 3 тұрғын үйдің қабырғасын тесіп өткен еді. Сонда жүргізуші көлікті электроника басқарғанын айтқан. Алайда тергеу көрсеткендей, соқтығысу алдында ол газ педалын толық басып, көмек жүйесін өшірген. Кейін оны абайсызда кісі өлтіруде айыптады.
Енді тергеушілер Tesla электр жүк көлігінің қатысуымен болған алғашқы өлімге әкелген апаттың себебін анықтауы керек.
Бұған дейін Курсив Авто Tesla-ның Subaru, BMW және Audi-ге қарағанда ұзаққа төзімді екенін хабарлаған.