Ұлттық теміржол операторы танымал туристік маршруттарға жазғы 20% жеңілдік жариялады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
"2026 жылдың 25 мен 30 маусым аралығында "Жолаушылар тасымалы" АҚ "Алматы-Достық" бағыты бойынша жұмыс істейтін № 207/208 және № 211/212 "Тальго" пойыздарындағы "Турист" санатындағы вагондар билетіне 20 пайыздық жеңілдік ұсынады", - делінген хабарламада.
Компания арнайы ұсыныс төменгі және жоғарғы орындарға да қатысты екенін атап өтті. Бағыт Жетісу өңірінен өтеді және жазғы маусымда Алакөл жағасына саяхаттау үшін керемет таңдау болып табылады, дейді компания.
Билеттерді bilet.railways.kz ресми сайты, "Жолаушылар тасымалы" АҚ кассаларынан және мобильді билеттерді сату қызметтері арқылы сатып алуға болады.