Орталық сайлау комиссиясы алдағы Құрылтай сайлауына 7 партияны жіберуге қаулы қабылдады. Бұл туралы Qazaqyia.kz порталы Sputnik Қазақстан басылымына сілтеме жасап хабарлайды.
Бүгінгі отырыста әрбір партия бойынша жеке-жеке қаулы шығарылды. Осылайша, жеті партия алдағы сайлауға қатысады. Олар: Ақжол; Ауыл; Әділет; Жалпыұлттық социал-демократиялық партиясы; "Байтақ" жасылдар партиясы; Қазақстан Халық партиясы; Respublica.
Сонымен қатар комиссия отырысында тіркеуде тұрған саяси партиялар көрсетілді. Олардың арасында Amanat партиясы да бар. Әділет вице-министрі Ботагөз Жақселекованың айтуынша, партияны қайта ұйымдастыру жұмысы әлі аяқталған жоқ.
"Amanat пен ӘDILET партияларының съездерінде Amanat партиясын қайта ұйымдастыру арқылы ӘDILET партиясына қосуға шешім қабылданған болатын. Қазіргі кезде Amanat партиясын қайта ұйымдастыру жұмысы атқарылып жатыр. Осыған байланысты ұйымдастыру және құқықтық шаралар жүргізілуде", - деді Жақселекова.
Ал Орталық сайлау комиссиясының төрағасы Нұрлан Әбдіров бүгін Amanat партиясынан ресми хат түскенін мәлімдеді. Оған сәйкес партия мүшелері алдағы сайлауға қатыспайды.