Биылғы жылдың алғашқы жартыжылдығында Словакияға 10 мыңға жуық украиналық көшіп келген. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Словакия Ішкі істер министрлігінің ресми деректеріне сәйкес, бірінші жартыжылдықтың қорытындысы бойынша республикада 221 920 украиналық тіркелген. Бұл өткен жылғы көрсеткіштен шамамен 5 пайызға артық.
Украиналықтар санының артуы негізінен Словакияда босқын мәртебесін алған азаматтардың есебінен болған. 2025 жылдың соңында олардың саны 138 826 адам болса, 2026 жылдың бірінші жартыжылдығының соңына қарай республикада 146 459 украиналық босқын мәртебесіне ие болған.
Қазіргі уақытта Словакияда 56 299 Украина азаматының уақытша тұруға рұқсаты бар, ал 19 162 украиналық республикада тұрақты тұру құқығын алған.
ЕО Кеңесі 31 шілдеден бастап Еуропалық Одақ елдеріне кірген, әскери міндетті жасқа жеткен Украина азаматтарына уақытша қорғау алу үшін әскери міндетін орындағанын құжатпен растауды талап етті. Егер ондай құжат болмаса, осы санаттағы украин азаматтарына уақытша қорғау берілмейді.
Бұл шешім 4 тамызда ЕО-ның ресми журналында жарияланып, өткен кезеңге де қолданылатын болды.