Бішкекте өткен Шанхай ынтымақтастық ұйымы (ШЫҰ) саммитінде ел көшбасшылары сөз сөйлеп жатыр. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Отырысты аша отырып, Қырғызстан президенті Садыр Жапаров соңғы ширек ғасырда ШЫҰ шекарадағы сенімді нығайту механизмінен жетекші халықаралық ұйымдардың біріне айналып, өз тиімділігі мен өзектілігін дәлелдеді деп мәлімдеді.
«Біздің ұйымның рөлі мен маңыздылығы туралы айта келе, ШЫҰ-ға мүше мемлекеттер ғаламшар халқының 40%-дан астамын біріктіретінін және әлемдік ЖІӨ-нің шамамен төрттен бір бөлігін құрайтынын атап өту маңызды», - деді ол.
Жапаровтың айтуынша, Қырғызстанның ШЫҰ-ға төрағалығының философиясы «Бірлік - өркендеудің негізі» деген халық даналығы болды. Қырғыз көшбасшысы айтқандай, бұл сөздер ұйымның мәнін бейнелейді.
ШЫҰ қауіпсіздік, экономикалық және көлік байланысы, мәдени және гуманитарлық байланыстар, цифрлық даму және жасанды интеллект саласындағы ынтымақтастықты дамытуға бағытталған 200 іс-шара өткізді, деді Жапаров.