Шығыс Қазақстан облысында полиция әлеуметтік желілерде тараған қауіпті жүріс видеосының қатысушыларын тапты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Видеода қозғалыстағы көліктердің терезелерінен шығып тұрған жолаушылар көрсетілген.
Полицейлер жүргізушілер мен жолаушылардың жеке басын анықтады.
«Жүргізушілерді адамдарды тасымалдау ережелерін бұзғаны үшін, соның ішінде жолаушыларды көлік салонынан тыс тасымалдағаны үшін әкімшілік жауапкершілікке тартты. Жолаушылардың өздері де жазасыз қалмады. Олар қозғалыстағы көліктен дене мүшелерін шығарғаны үшін жауапкершілікке тартылды», — деп хабарлады полиция.
Ішкі істер министрлігінде мұндай «трюктер» ауыр зардаптарға әкеліп, барлық қозғалыс қатысушылары үшін қауіп төндіруі мүмкін екенін еске салды.
Бұған дейін «Курсив» Алматыда бір топ жастар Әл-Фараби даңғылында қауіпті жүріс ұйымдастырғанын жазған: жігіт пен қыздар толық жылдамдықпен көліктердің терезелері мен люктерінен шығып тұрған. Видео Казнетті толтырды.