Қазақстандық грек-рим күресушісі Шамиль Ожаев Азиат ойындары-2026-да 87 келіге дейінгі салмақта қола медаль үшін күресте жеңіліс тапты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Үшінші орын үшін күресте Ожаевтің қарсыласы өзбекстандық Жалғасбай Бердімұратов болды. Қазақстандық бірінші болып ұпай алды, алайда кейін қарсылас бастаманы өз қолына алып, 9:1 есебімен жеңіске жетті.
Күрес Бердімұратовтың техникалық басымдылығына байланысты мерзімінен бұрын аяқталды. Осылайша, Ожаев Азиададағы өнерін бесінші орынмен аяқтады.
Бұған дейін бүгін Мейіржан Шермаханбет 67 келіге дейінгі салмақта қола жүлдеге қол жеткізіп, медаль күресінде моңғол Ганбаяр Намсрайды 4:0 есебімен жеңді.
Жапониядағы XX жазғы Азиат ойындары ресми түрде 19 қыркүйекте ашылды. 45 елдің спортшылары қатысатын жарыстарда 460 комплект награда сарапқа салынуда. Азиада-2026-да Қазақстан құрамасының құрамында 35 спорт түрінен 558 спортшы өнер көрсетуде.
Азиада-2026 шолулары: 1-күн, 2-күн, 3-күн, 4-күн, 5-күн, 6-күн, 7-күн, 8-күн, 9-күн, 10-күн.