Шакира Бішкектегі «Бішкек Арена» стадионында өткен ауқымды шоудан кейін Қырғызстанға деген сүйіспеншілігін білдірді. Әнші Instagram парақшасында концерттен естелік фотолармен бөлісті. Бұл туралы Qazaqyia.kz порталы Kursiv Media басылымына сілтеме жасап хабарлайды.

Өз жазбасында Шакира келгендердің барлығына керемет эмоциялар мен жылы қабылдау үшін тағы да алғыс айтты.

«Қырғызстанды және оның тұрғындарын жақсы көрдім!» — деп жазды ол.

Сондай-ақ әнші өткен шоудың ауқымын толық жеткізетін концерттен түсірілген суреттерді қоса берді. Фотоларда Шакира дәстүрлі бас киімде, ал басқа кадрларда өнер көрсетудің жарқын сәттері, билеп жатқан шоу-балет және плакаттар ұстаған жанкүйерлер бейнеленген.

Еске салайық, Шакира Las Mujeres Ya No Lloran World Tour әлемдік туры аясында «Бішкек Арена» стадионында өнер көрсетті. Билеттердің құны санатқа байланысты болды және 12 мыңнан 40 мың сомға дейін құрады.

Концерт Шакираның Орталық Азиядағы алғашқы өнер көрсетуі болды. Бағдарламаға әншінің хиттері мен 2024 жылғы Las Mujeres Ya No Lloran альбомының әндері енді.

Бұған дейін «Курсив» әншіні халықаралық әуежайдан шенеуніктер мен концерт ұйымдастырушылары қарсы алғанын жазған.

Кейінірек әншінің концертке дайындалып жатқаны және Қырғызстанның ұлттық бас киімін киіп үлгергені бейнеленген кадрлар пайда болды.

Кадрларда Шакира стадионда концертке дайындық жүріп жатқанда микрофонға ән салып тұр. Әртіс­тің басында қою сұр өрнекті жылы тебетей — аң терісінен жасалған дәстүрлі қырғыз ерлер бас киімі бар.