Шахтинскіде жасөспірімнің мотоциклмен серуендеуі жеңіл көлік пен автобустың қатысуымен жаппай жол-көлік оқиғасына ұласты. Апат салдарынан кінәлі жасөспірім жарақат алды, ал оның анасы сот шешімімен 20 АЕК мөлшерінде айыппұл төлеуге міндеттелді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қарағанды облысы Шахтинск қалалық сотының баспасөз қызметі хабарлағандай, апат 2026 жылдың 12 қазанында болған. 2009 жылы туған жасөспірім даладан асфальтталған жолға шығып, жол қозғалысы ережелерін бұзған.
Мотоцикл Nissan Note маркалы жеңіл көлігімен соқтығысты. Соққыдан жеңіл көлік Yutong автобусына қарай лақтырылған.
«Жол-көлік оқиғасы салдарынан үш көліктің барлығы да механикалық зақым алды», — деп хабарлады сот.
Көлік иелеріне материалдық шығын келтірілген.
Сот деректеріне сәйкес, әкімшілік іс мотоциклшінің анасына қатысты қозғалған, өйткені ол кәмелетке толмаған. Сот мойындау көрсетпелерін, хаттаманы және басқа да дәлелдемелерді зерттеп, әйелге ӘҚБтК-нің 610-бабының 1-бөлігі бойынша 20 АЕК айыппұл тағайындады.
Қаулы әзірге заңды күшіне енген жоқ.
Бұған дейін «Курсив» Көкпекті станциясында 17 жастағы мотоциклші сегіз жасар қызды қағып өлтіргені туралы жазған болатын. Жасөспірім жарақат алған. Оның ата-анасына қатысты да қылмыстық іс қозғалған.