Семейде оқушы сыныптасымен кездескен соң үйіне көптеген пышақ жарақатымен оралды. Жасөспірімді көршілері тауып, жедел жәрдем шақырды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Зардап шегушінің туыстарының айтуынша, сабақтан кейін бала сыныптасымен ойнауға кеткен. Жасөспірімдер арасында не болғаны әзірге белгісіз.
«Олар маған қоңырау шалды, мен ата-анасына қоңырау шалдым, олар тек екеуі ғана болды. Бұл бала онымен бірге сыныпта оқиды, сыныптасы, ойнауға шақырды. Соңында ол көптеген жарақат алды», — деді оқушының туысы Ляззат Камзаева.
Бала ауруханаға өте ауыр жағдайда жеткізілді. Оның денесінде 15-ке жуық пышақ жарақаты табылды. Дәрігерлер оған көп қан жоғалтудан туындаған геморрагиялық шок диагнозын қойды. Операция төрт сағатқа созылды.
«Бала түскен кезде геморрагиялық шокқа байланысты жағдайы өте ауыр болды. Шұғыл түрде төрт сағат бойы оперативті араласу жүргізілді. Бала үш тәулік реанимация бөлімінде жатты», — деді Университеттік госпитальдің балалар жөніндегі директорының орынбасары Дулат Каримов.
Қазір оқушының өміріне қауіп төніп тұрған жоқ. Анықталғандай, жанжалдың екінші қатысушысы да мойын, кеуде қуысы және қол жарақатын алған. Ол амбулаториялық емделуде.
Жасөспірімдер жанжалдың себебін әзірге айтпады. Полиция болған оқиғаның мән-жайын анықтап жатыр.
«Болған оқиғаның барлық мән-жайы анықталуда. Тергеу қорытындысы бойынша кәмелетке толмағандарды профилактикалық есепке қою, сондай-ақ олардың заңды өкілдерін балаларды тәрбиелеу жөніндегі міндеттерін тиісінше орындамағаны үшін жауапкершілікке тарту мәселесі қаралатын болады», — деді қалалық полиция басқармасы бастығының орынбасары міндетін атқарушы Ержан Аккалиев.
Мектепте болған оқиғаны күтпеген жағдай деп атады. Екі жасөспірім де бұрын есепте тұрмаған және, мұғалімдердің айтуынша, дос болған.