«Ист Каз Аллойз» (East Kaz Alloys) компаниясы Абай облысы Жарма ауданындағы Сабурхан-3 учаскесінде хром кендерін іздеу бойынша геологиялық барлау жұмыстарын жүргізеді. Бұл туралы Qazaqyia.kz порталы Kursiv Media басылымына сілтеме жасап хабарлайды.

«Учаске облыс орталығы Семей қаласынан оңтүстік-шығысқа қарай 160 км және аудан орталығы Калбатау ауылынан 9 км қашықтықта орналасқан… Жұмыс түрі – Шар ультрабазит белдеуі аумағында хромға іздеу жұмыстары», – делінген «Курсивтің» қолындағы жоспарланған іс-шаралар туралы мәлімдемеде.

Учаскенің ауданы 49 блокты немесе 59,9 шаршы км құрайды. Барлау лицензиясы компанияға 2022 жылғы 4 қарашада берілген.

«Зерттелетін аумақта жер үсті сулары ядролық сынақ полигонына жақын орналасқан өзендермен (көбінесе құрғап қалатын) ұсынылғанын ескере отырып (…Шаған көлі – ең ластанған су қоймасы) – экологиялық зерттеулер көптеген ғылыми ұжымдармен жүргізілді және ашық басылымдарда егжей-тегжейлі сипатталды», – деп хабарлайды жоспарланған іс-шаралар туралы мәлімдемеде.

Компания арақашықтығы 400-800 метр болатын арықтарды салуды жоспарлап отыр. Олардың ұзындығы 50 метрге дейін, ені 0,8 м және тереңдігі екі метр болады. Барлығы 16 арық (800 метр) салу жоспарланған, жалпы көлемі 1280 текше метр.

Сондай-ақ учаскеде тереңдігі 100 және 300 метр болатын ұңғымалар бұрғыланады, жалпы көлемі 3800 погон метр.

«Бұрғылау перспективалы учаскелерде белгілі кен белдеулерін бақылау және олардың тереңдіктегі кенділігін бағалау, сондай-ақ жаңадан анықталған геофизикалық аномалияларды бағалау мақсатында жүргізіледі», – деп атап өтілген құжатта.

«Ист Каз Аллойз» (басшысы Бағлан Кошанов) компаниясының тең иелері – нидерландтық Yilmaden Holding B.V. (басшысы Озтүрк Эврен) және Swed Alloys Holding B.V.

Сонымен қатар, «Ист Каз Аллойз» өкілінің байланыс деректері қоғамдық тыңдауларға арналған хабарландыруда түрік Yildirim Group компаниясының электрондық поштасына сілтеме жасай отырып көрсетілген (бұл топ Қазақстанда бірнеше тау-кен жобаларымен айналысады).

Қазақстанда хром кендерін өндіруші және өңдеуші ірі компания – «Казхром» (ERG тобы үшін негізгі кіріс көзі болып табылады).