Ресейлік кванттық орталықтың негізін қалаушылардың бірі Руслан Юнусов адамзатқа төнетін жасанды интеллект қаупі туралы пікірлерге түсініктеме берді. «Валдай» клубының жыл сайынғы сессиясында ол өркениет ортақ қауіптермен күресу үшін бірлікте болуы керек деді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Жасанды интеллект өзекті талқылауда
Юнусовтың айтуынша, жасанды интеллект тек жарнама болғандықтан емес, жылдам технологиялық трансформация шынымен жүріп жатқандықтан өзекті талқылауда жүр. Ол басқа ешбір сала соншалықты тез дамымағанын атап өтті.
Сарапшы мысал ретінде Anthropic компаниясының жақында өзінің соңғы моделінің шығарылымын кейінге қалдырғанын келтірді, себебі оның кибершабуыл скиллдары өте күшті болды. «Бірақ сұрақ мынада, егер бірдеңе болса, оны қаншалықты тез түзетуге болады?» — деді Юнусов.
Модельдердің жасыру және бопсалау бейімділігі
Сарапшы заманауи жасанды интеллект модельдері өздерінің сөндірілгені туралы ақпаратты жасыруға, бопсалауға және ақпаратты әдейі бұрмалауға бейім екенін айтты. Жақында әлемдік компаниялар жасанды интеллектінің басқа құрылымдарға еніп, әзірлеушілерді алдауға тырысқаны туралы хабарлады.
«Сынақ кезеңінде олар өндіріске шығарылғаннан кейін айқын болатын белгілі бір қасиеттерді жасыра алады. Жетекші америкалық компаниялар: "дамуды баяулатайық" деп жатыр. Қытайлық әріптестеріміз: "Сіздер өздеріңіз үлгермей жатқандықтан, бізді тежегілеріңіз келеді", — деп жауап беріп жатыр», — деді сарапшы.
Барлық компьютерді өшіру мүмкін емес
Бұл жағдайда шешімі қарапайым сияқты — жай ғана оны ажырату, дегенмен, барлық компьютерді өшіру мүмкін емес, деді Юнусов.
«Біз өзгерістердің жылдам қарқынына бейімделе алмай жатырмыз. Біз қорғанысты мүмкіндігінше тезірек құруды үйренуіміз керек. Біз кем дегенде бұл туралы ойлануымыз керек», — деді спикер.