Алматы орташа қабатты құрылысқа бет бұрғанымен, биік ғимараттардан толық бас тартпайды. Небоскребтер Сайран көлінің жанындағы жаңа іскерлік орталықта пайда болуы мүмкін. Бұл туралы Qazaqyia.kz порталы Kursiv Media басылымына сілтеме жасап хабарлайды.
«Алматыгенплан» ҒЗИ басшысы Асхат Садуовтың айтуынша, Алматының болашақ құрылысының негізін орташа қабатты кварталдар құрайды. Мамандардың пікірінше, дәл осы формат қалалық ортаны жайлы етеді.
«Лондон, Париж — орталығы алты қабат, Барселонада — сегіз қабат. Бұл сапалы қалалық ортаны құратын адамдық масштаб», — деді ол.
Институт басшысы Алматыда сейсмикалық белсенділік пен топырақ ерекшеліктерін ескеру қажет екенін атап өтті. Сонымен қатар, биік құрылыс дәуірінің аяқталды деп айту дұрыс емес екенін жеткізді.
«Даунтаун деген ұғым бар, онда небоскребтерден скайлайн пайда болады. Бұл небоскребтер іскерлік өмір шоғырланған орындардың бірі. Біз Сайран көлінің жанында, қазіргі Тастақ ауданында осындай нәрсе жасағымыз келеді. Көшелер торын сақтай отырып, даунтаунның жетілдірілген нұсқасын салу, барлық биік ғимараттар бір жерде шоғырлануы үшін», — деді Садуов.
Ол құрылыста жер сілкінісінен қорғаудың заманауи технологиялары қолданылатынын қосты.
«Барлық технологиялар жапондар мен американдарда бар. Олар тоғыз балдық сейсмикалық аймақта еркін салады. Сондықтан бұл тек қабаттылық емес, технология мәселесі», — деп атап өтті Садуов.
Бас жоспарға сәйкес, қалған жаңа аудандар негізінен 5-7 қабатты үйлермен салынады. Тек қолайлы топырағы бар жекелеген жерлерде ғана тоғыз қабатты ғимараттар пайда болуы мүмкін.
Бұған дейін Kursiv LifeStyle «Алматыгенплан» ҒЗИ мамандары «Фасадтан фасадқа» бағдарламасы бойынша ғимараттардың фасадтарын жаңарту кезінде қандай материалдар қолданылатынын айтқан болатын. Институт басшысы Асхат Садуовтың сөзінше, материалдар әр үйді тексеруден кейін жеке таңдалады.