Орталық сайлау комиссиясы «Байтақ» партиясы ұсынған кандидаттардың тізімін тіркеді, деп хабарлайды Sputnik Қазақстан тілшісі. Бұл туралы Qazaqyia.kz порталы Sputnik Қазақстан басылымына сілтеме жасап хабарлайды.
Жасылдар партиясы бас кезінде 51 кандидатты ұсынған. Бірақ соңғы съезден кейін төртеуі сайлауға қатысудан бас тартты. Орталық сайлау комиссиясы барлығын тіркеп, арнайы куәліктерін тапсырды.
Комиссия қабылдаған хаттамаға сәйкес, партияның атауы сайлау бюллетеніне енгізіледі. Бұған дейін партия төрағасы Азаматхан Әміртаев «тізімде бір креслодан екіншіге ауысып жүре беруді армандайтын шенеуніктер жоқ» екенін мәлімдеген болатын. Саяси ұйым кәсіби заңгерлер, кәсіпкерлер, экологтар, инженерлер, педагогтар мен дәрігерлерге басымдық беріп отыр.