«Россия сегодня» медиа-тобы халықаралық ақпараттық кеңістіктегі жаһандық қатысуын белсенді түрде кеңейтіп, бұрын Батыс үстемдік еткен аймақтардағы позициясын нығайтып келеді, деді топтың бас директоры Дмитрий Киселев. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Ол Associated Press of Pakistan (APP) агенттігіне берген сұхбатында БАҚ тобының халықаралық кеңеюін талқылап, жақында Эфиопияда редакциялық хаб ашылғанын, Бейжің хабының жаңартылғанын және Бейрутта FM хабар таратуының іске қосылғанын атап өтті.
«2025 жылы Моңғолияда тәулік бойы радиохабар тарату нөлден іске қосылды, ал Вьетнамда Sputnik - вьетнамдық аудиторияға өз тілінде сөйлейтін жалғыз ресейлік БАҚ болды. 2024 жылы РИА Новости агенттігінің бюросы Индонезияда жұмысын бастады», - деді медиа топтың бас директоры.
Ол Африка мен Азияда жаңа өкілдіктерді ашу бойынша белсенді жұмыс жүргізіліп жатқанын атап өтті. «Бұл жай ғана "болу" емес. Бұл бір кездері Батыс билік құрған континентті жүйелі қамту», - деді Киселев.
Ол Radio Sputnik бағдарламаларын Ботсвана, Мали, Нигер, Нигерия, Камерун және Гвинеядағы радиостанциялар таратып жатқанын және Латын Америкасында да тәулік бойы хабар тарату іске қосылғанын айтты.
Айтуынша, Пәкістан халықаралық ынтымақтастықтың басым бағыты болып табылады. «Алдағы бес жылда біз Исламабадта көп функционалды редакциялық орталық ашуға және бүкіл Пәкістан бойынша тілшілер желісін құруға мүдделіміз. Осы жылдың соңына дейін Sputnik өзінің алғашқы урду тіліндегі әлеуметтік медиа арналарын ашады», - деді Киселев.
«Россия сегодня» медиа тобының серіктес желісі 108 елдегі 500-ден астам БАҚ-ты қамтиды. Меморандумдар, ынтымақтастық туралы келісімдер және басқа да құжаттар арқылы 130-дан астам субъектілермен, соның ішінде бұқаралық ақпарат құралдарымен, университеттермен, талдау орталықтарымен және медиа секторында жұмыс істейтін басқа да ұйымдармен ресми қарым-қатынас орнатылған.