Рино, Невада (AP) — Жылдам тараған Hawk Fire өрті сенбі күні тау етегінен Рино қаласының орталығына қарай жылжып, 10 500 акрдан астам аумақты шарпыды. 14 мыңға жуық үй эвакуацияланды, ал «G0 NOW» аймағы Невада университеті кампусының шетіне жетті. Бұл туралы Qazaqyia.kz порталы Associated Press басылымына сілтеме жасап хабарлайды.
Уошо округінің төтенше жағдай қызметі эвакуацияланған тұрғындар үшін Рино-Спаркс конвенция орталығын ашты, бірақ үй жануарларын әкелуге болмайтынын ескертті — ұсақ және ірі жануарларды екі басқа орынға қалдыру қажет.
Губернатор Джо Ломбардо Уошо округінде төтенше жағдай жариялап, Невада ұлттық гвардиясын жұмылдырды: екі тікұшақ экипажы әуеден өрт сөндіруге, ал 60 сарбаз полицияға эвакуацияланған аудандарды күзетуге көмектеседі.
Өрт сенбі күні басталып, күні бойы қатты жел, төмен ылғалдылық және құрғақ өсімдіктер салдарынан айтарлықтай өсті, деп хабарлайды Truckee Meadows Fire & Rescue мәлімдемесінде. Бұл қызмет Калифорния шекарасынан өрт сөндіруге қосылды.
«Қазіргі уақытта өрт сөндіруге шамамен 400 адам жұмылдырылған, жергілікті, штаттық және федералды агенттіктердің ресурстары, оның ішінде жер үсті топтары мен әуе күштері бірігіп жұмыс істеуде», — делінген Truckee Meadows мәлімдемесінде.