Ресей мен Украина Беларусь аумағында қаза тапқан әскери қызметшілердің денелерін алмастырды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«Бүгін Беларусьтің шекаралас аймағында Ресей мен Украина арасында қаза тапқан әскери қызметшілердің денелерін тағы бір алмастыру рәсімі өтті», – делінген хабарламада.
Айырбастау Беларусь пен Украина шекарасындағы «Новая Гута» өткізу пунктінде өткені хабарланды.
«Ресей тарапы Украинаға қаза тапқан 252 адамның денесін, ал Украина Ресейге 25 адамның денесін тапсырды», — делінген хабарламада.
Агенттіктің мәліметінше, Украинадағы қақтығыс жағдайында Беларусь гуманитарлық дәліздерді ұйымдастыруға, отбасыларды қайта қауыштыруға, сондай-ақ әскери тұтқындар мен қаза тапқан әскери қызметшілердің денелерін алмасуға жәрдемдесуін жалғастыруда.
Беларусь аумағында қазірдің өзінде 70-тен астам гуманитарлық және алмасу миссиясы жүзеге асырылды, деп қосты агенттік.