Қытайдың шығысындағы портта тұрған шетелдік тумен жүк кемесінде өрт шығып, кемінде 20 адам қаза тапты. Бұл туралы Qazaqyia.kz порталы BBC News басылымына сілтеме жасап хабарлайды.
Қытайдың мемлекеттік CCTV телеарнасының мәліметінше, кемеде болған 42 адамның 12-сі құтқарылып, бесеуі ауруханада тұрақты жағдайда жатыр.
Апат Циндао қаласындағы кеме жөндеу зауытында болған. Өрт жергілікті уақытпен шамамен 11:15-те (Гринвич уақытымен 03:15) тұтанған. CCTV мәліметінше, өрт үш сағаттан сәл астам уақыттан кейін сөндірілді.
Қытай президенті Си Цзиньпин бұған дейін «барлық күшпен» іздеу-құтқару жұмыстарын жүргізуге шақырса, премьер-министр Ли Цян тұзаққа түскендерді құтқаруға және «екінші реттік апаттардың алдын алуға» шақырды.