Қытайдың Цзилинь провинциясының бұрынғы губернаторы Цзян Чаолян 746 млн юань (шамамен $111 млн) көлемінде пара алғаны үшін өлім жазасына кесілді. Бұл туралы Qazaqyia.kz порталы CCTV телеарнасына сілтеме жасап хабарлайды.
Нанкин қаласының халық соты айыптау үкімін шығарды. Өлім жазасының орындалуы екі жылға кейінге шегерілді.
Егер осы мерзім ішінде Цзян Чаолян жаңа құқық бұзушылықтар жасамаса, өлім жазасы шартты түрде мерзімінен бұрын босату құқығынсыз немесе жазаны одан әрі жеңілдетусіз өмір бойына бас бостандығынан айырумен ауыстырылады.
Тергеу деректері бойынша, 1995 жылдан 2025 жылға дейін Цзян Чаолян қызметтік жағдайын компаниялар мен жеке тұлғалардың мүддесіне пайдаланған. Сыйақы үшін ол келісімшарттар жасасуға көмектесіп, адамдардың қызметте жоғарылауына ықпал еткен.
Цзян Чаолян Цзилинь провинциясының губернаторы қызметін атқарған, ал 2016 жылдың қазан айынан 2020 жылдың ақпан айына дейін Хубэй провинциясының ҚКП парткомының хатшысы болған.
Оған дейін ол Қытай ауыл шаруашылығы банкін, Қытай даму банкін және Байланыс банкін басқарған.
Бұған дейін «Курсив» Қытайда бұрынғы екі қорғаныс министрі – Вэй Фэнхэ мен Ли Шанфудың өлім жазасына кесілгені туралы жазған болатын. Әскери сот оларды сыбайлас жемқорлықта – пара алу және беруде кінәлі деп таныған.
Ал кеше ҚХР-да әйгілі Шаолинь монастырының бұрынғы настоятелінің ісі бойынша сот аяқталды. 60 жастағы будда монахы Ши Юнсинь 24 жылға бас бостандығынан айыруға сотталды.