Қытай төрағасы Си Цзиньпин үлкен делегациямен жеті жылда алғаш рет Үндістанға сапармен баруы мүмкін. Бұл туралы Qazaqyia.kz порталы Reuters басылымына сілтеме жасап хабарлайды.
Бұл сапар екі ел арасындағы қарым-қатынастардағы маңызды қадам болуы мүмкін, өйткені соңғы жылдары шекаралық шиеленістер мен саяси келіспеушіліктер салдарынан екіжақты байланыстар салқындаған еді.
Си Цзиньпиннің сапары аясында екі ел арасындағы сауда-экономикалық ынтымақтастықты кеңейту, сондай-ақ аймақтық қауіпсіздік мәселелерін талқылау жоспарлануда. Делегация құрамына Қытайдың ірі бизнес өкілдері мен үкімет мүшелері кіруі мүмкін.
Бұл Си Цзиньпиннің Үндістанға соңғы жеті жылдағы алғашқы сапары болмақ. Алдыңғы сапар 2019 жылы өткен болатын. Сарапшылар бұл сапарды екі алып көрші ел арасындағы қарым-қатынастарды жақсартуға бағытталған маңызды қадам ретінде бағалап отыр.
Сапардың нақты күні мен бағдарламасы әзірге ресми түрде жарияланған жоқ, бірақ дипломатиялық дереккөздер оның жақын арада өтуі мүмкін екенін жеткізуде.