Ұлы Отан соғысы жылдарында Қырымдағы неміс арнайы қызметінің делдалдары мен агенттері туралы мұрағаттық құжаттар құпиялықтан шығарылып, жария етілді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Құжаттарды жария ету
Ресей Федералдық қауіпсіздік қызметінің Қырым басқармасының мәлімдемесінде жария етілген құжаттар нацистерден азат етілген Қырымда мемлекеттік қауіпсіздік органдары "СД" неміс арнайы қызметінің қызметкерлері мен агенттерін, басқыншылардың белсенді серіктестерін анықтап, ұстағанын көрсететіні айтылған.
Ведомствоның мәліметінше, аталған тұлғалардың қатарында С.Н.Мышеков, А.А.Гильденберг, А.П.Лукин, А.М.Станилеев, М.Д. Шпак және басқалар бар.
Тергеу нәтижелері
Ведомствоның хабарлауынша, тергеу бұл азаматтардың Қырым түбегіндегі кеңес халқына қарсы геноцидке жеке қатысқанын анықтады. Олар бейбіт тұрғындарды ату жазасын орындаған, әйелдерді зорлаған, балаларды өлтірген және партизандар мен кеңес патриоттарын немістерге ұстап беріп отырған. Кейін олар тұтқындалып, өлім жазасына кесілген.
"КСРО ІІХК арнайы жиынының 1944 жылдың 16 қыркүйегіндегі қаулысымен Мышеков, Гильденберг және Лукин өлім жазасына кесілді, ал қалған қылмыскерлер әртүрлі мерзімге бас бостандығынан айырылды", - деп хабарлады ведомствода.
Басқа да сатқындар
Сондай-ақ, басқармада хабарлағандай, Ұлы Отан соғысы жылдары және одан кейін қауіпсіздік қызметкерлері кеңестік әскери тұтқындарға қарсы қылмыстарға қатысып, Отанға опасыздық жасаған басқа да сатқындарды іздеп тауып, жауапкершілікке тартқан.